Wakati Nchi ya Tanzania ikiwa kwenye majonzi na hofu kubwa, Diva Thebowse, amejikuta kwenye wakati mgumu baada ya kuanzisha michango kwa ajili ya Waathirika wa Kariakoo. Kwa mujibu wake ni kwamba alifungua bakuli hilo la sadaka ili pesa itakayopatikana akanunue maji na soda kwa ajili ya Watu wanaosaidia kuokoa manusura huko Kariakoo.

Hata hivyo nia yake hiyo njema imepokelewa kama nio ovu baada ya watu kumjia juu wakidai hawaliamini changisho lake kwasababu limekaa kitapeli na anafanya hivyo kwa tamaa baada ya kuona Niffer amechangisha milioni 17 kwa dakika 20 ndipo na yeye mate yakamtoka akapata wazo la kutega ulimbo ili pesa zinase.

Baada ya tuhuma hizo, Diva amejitetea kwa kusema yeye ni tajiri na hivi karibuni gari yake aina ya G Wagon lenye thamani ya mamilioni ya pesa lipo njiani linakuja hivyo hana shida na pesa za sadaka.