Mwenyekiti wa Chama cha Mapinduzi (CCM), Rais Samia Suluhu Hassan amempendekeza Katibu Mkuu wa Chama hicho, Dkt. Emmanuel Nchimbi kuwa mgombea mweza wa Rais katika Uchaguzi Mkuu mwaka huu.

“Ushindi wa CCM katika uchaguzi mwaka huu hauna mjadala. Wagombea watakuwepo wa vyama vingine lakini sioni namna wanavyoweza kuishinda CCM. Lakini sio kwa ujanja ujanja ni kwa sababu yapo mambo mengi mazuri yaliyofanywa na serikali zetu mbili, lakini ni mambo ambayo yana manufaa kwa Watanzania.” – Jakaya Kikwete, Rais Mstaafu wa Tanzania

Mwaka 1966, Indira Gandhi alichaguliwa kuwa Waziri Mkuu wa nne wa India, akiwa ni Waziri Mkuu wa kwanza mwanamke nchini humo.

Mtandao wa TikTok umerejea na kurudisha huduma zake Nchini Marekani baada ya Rais Mteule Donald Trump kuruhusu mtandao huo kuendelea kufanya kazi Marekani.

TikTok ilikuwa imeacha kufanya kazi kwa Watumiaji wa Marekani kutokana na sheria iliyopiga marufuku app hiyo. Trump amesema atatafuta suluhisho la kuirudisha TikTok, ikiwemo uwezekano wa kushirikiana na kampuni za Marekani.