*PAZIA LA FILAMU* 📽🎬 *`LIFE IN A YEAR`* (2020) Walikutana wawili, Katika mazingira ya kutatanisha. Mvulana aliyekulia kwenye familia ya nasaba bora kiuchumi na kielimu. Pamoja na msichana aliyekulia mitaani, kwenye vichochoro vya mji. Wakafunguliana madirisha ya urafiki. Wakawa marafiki! Walipozoeana sana, Nyota zao zikawa kwenye mstari mmoja! Wakaamua kufunguliana milango ya upendo. Wakapendana! Mvulana akamuhaidi msichana, Kuwa atampenda kwa moyo wake wote, kwa roho yake yote na kwa nguvu zake zote... Hakujali maisha ya mtaani aliyoyaishi huyu binti....hakujali juu ya kiwango chake kidogo cha elimu. Mapenzi yakatunisha misuli yake, Akampenda kama alivyo! Msichana naye alivutiwa na mvulana. Akampenda! Lakini hakutaka kumpa ahadi yoyote ile. Ni kweli alipenda kumwambia kuwa atampenda daima, lakini afya yake ilimdhihaki. Alikuwa na mwaka mmoja tu wa kuishi. Alikuwa mgonjwa wa kansa! Mvulana akahaidi kumpenda msichana ndani ya huohuo mwaka mmoja! Akamwambia kuwa yuko tayari kumtengenezea pepo ndogo hapahapa duniani ndani ya huo mwaka mmoja aliobakiza kuliona hili jua. Kuonesha kuwa ameamua kupenda kwelikweli. Akatengeneza mpaka ratiba ya mwaka mzima, Kuenjoy yeye na msichana. Kijana alienda mbali, Akawa siriasi sana. Akatambulisha mpaka nyumbani kwa baba na mama. Ikaibuka vita baridi pale nyumbani, "Unatuleteaje binti asiye na dira ya maisha na hana elimu?" Lakini kijana n'do amependa kamaliza. Kasheshe! Vuta n'kuvute! Sukuma n'kusukume! Mvulana akakosana na wazazi wake, akataka kuachana na elimu kabisa. Wazee wamemtusi na kumkataa mpenzi wake...na yeye kamuhaidi kumpa faraja tupu ndani ya mwaka mmoja alio nao hapa kwenye sayari ya tatu. Filamu nzuri sana kuitazama, Love story yenye drama za kuvutia. Ni Jaden Smith nyuma ya kamera 🎥 Imetoka 2020. LIFE IN A YEAR